摘要：《第49届香港国际电影节》的焦点影人古天乐，昨日（19/4）出席名家讲座，席上古生分享了不少自己拍戏经历，讲到经典之作《寻秦记》，原来当初拍摄时并不打算是喜剧，误打误撞之下成了反令大家耳目一新。而讲怎样才是一位好演员，古生就讲出几大特质。
《第49届香港国际电影节》的焦点影人古天乐，昨日（19/4）出席名家讲座，席上古生分享了不少自己拍戏经历，讲到经典之作《寻秦记》，原来当初拍摄时并不打算是喜剧，误打误撞之下成了反令大家耳目一新。而讲怎样才是一位好演员，古生就讲出几大特质。
古天乐出席香港国际电影节名家座谈会。（大会提供）
在讲座上，大家谈到创新的方法，古生就以个人的经典作品《寻秦记》为例，误打误撞之下突破原著框框自成一格。“初初谂个角色都系打算返去一日啫，点会谂到几年都返唔到嚟，咁你里面件底衫冇谂住系古装衫嘛，所以就配衬件Tee，你仲要冲凉去厕所，等等好多细节要度，断唔到出嚟会变咗套喜剧。”
古天乐觉得项少龙本来打算返去一日，点谂到几年都返唔到嚟现代，当中发生的矛盾就成为笑料。（《寻秦记》剧照）
古天乐拍《寻秦记》时，最开心是一众演员要认真地接他的荒谬对白。（《寻秦记》剧照）
变成喜剧是神来之笔，更令古生开心是合作的演员都完全配合。“我拍呢套剧系最开心，有啲戏份我拍之前，我会叫对方一阵我讲咩你都唔好理，唔好笑就得。于是有幕我讲︰‘做咩呀，你咁嘅样，今日输咗股票呀？’结果对方都系笑。又有个角色讲佢咩都知，咁我问︰‘你知唔知咩系咸蛋超人吖？’佢又真系走去谂，出嚟个反应好好笑。”
曾创下94至2000年未请话病假纪录的古生，拍《寻秦记》发烧烧足7日，令他认真审视自己去向。（大会提供）
虽然拍得开心，但电视台工厂式拍摄，令自己不停透支，纵被称做铁人，但都有倒下时，令他重新审视自己的去向。“当时冇得拣，签咗畀电视台，你系被安排去做咩，94年入行去到2000年间，我一日病假都未请过，试过发烧都照开工，被监制叫做铁人。但拍《寻秦记》时，烧到40定41度，连续7日都退唔到烧，打几多支抗生素都冇用，就令我认真考虑不如唔好再拍电视剧，再铁人都好，真系拍唔到落去，期间冇时间畀你谂下嘢。”古生最疯狂时期是电视剧及电影两边一齐开工，完全感受不到演戏的乐趣，直至去到拍林岭东执导的《极度重犯》，才真正懂得享受演戏。
要当一位好演员，有演技是最为必要，但在古生心目中，心地好更加重要。古天乐︰“好演员除咗演技好，最紧要心地好，青云就系一个心地好嘅人，有时演戏就系要互相沟通，睇下双方点样演先出到个效果，好心地嘅演员会互相帮助，心地唔好嘅就只会跣你，唔系为咗部戏，系为佢个人表演，呢种我又唔系太钟意。所以好演员是要有耐性、谦厚嘅心，要肯帮人。”
《寻秦记》电影版已拍竣多年，一直等待上画日。（《寻秦记》电影剧照）
古天乐称赞刘青云是个演技好，心地又好的演员。（影片截图）
来源：粤睇先生
