《尼布楚条约》中文版（满语）原文

摘要：Dulimbai Gurun -i Enduringge Hvwangdi hesei jecen ba toktobume takvraha amban, hebei amban, hiya be kadalara dorgi amban(领侍卫内大臣) S

Dulimbai Gurun -i Enduringge Hvwangdi hesei jecen ba toktobume takvraha amban, hebei amban, hiya be kadalara dorgi amban(领侍卫内大臣) Songgotu (索额图)

dorgi amban bime, gvsai ejen, uju jergi gung nakcu Tung Guwe Gang (佟国纲)

gvsai ejen Langtan(郎谈)

gvsai ejen Badarxan(班达尔善)

sahaliyan ula jergi babe tuwakiyara jiyangiyvn Sabsu(萨布素)

tui janggin(户军统领) Mala(玛喇)

tulergi golo be dasara jurgan(理藩院) -i ashan -i amban(侍郎) Unda(温达)

Oros Gurun -i Cagan Han -i hesei takvrafi jecen be toktobume jihe amban elcin O K'ol Ni Cen I Na Miyes Ti Ni Ke Bu Eriyan Sy K'oi Fiyodoro Elik Siyei Ye Wei Cy Ho Lo Wen (Okol'nichey i Namestnik Bryanskoy Fedor Alekseyevich Golovin)se.

Elhe Taifin -i 28-ci sohon meihe aniya 7 biyai 24 de,Nibcoo -i bade uheri acafi, juwe gurun -i buthaxame yabure buya urse cisui jecen be dabame buthaxame, ishunde wandume durinume facuhvn yabure be fafulame, Dulimbai Gurun, Oros Gurun meni meni jecen -i babe getukeleme toktobufi, doro acafi, enteheme

第一页

(接上页) goidame hvwaliyasun -i banjire jalin toktobume gisurehengge.

Emu hacin, sahaliyan ula de amargici dosinjiha Coran sere Uruma birai hanci bisire Gerbici bira be, jecen obufi, ere birai sekiyen -i ergi wehe noho Amba Hinggan -i mudun jafahai mederi de, niketele antu -i ergi sahaliyan ula de dosikale bira birgan be, gemu Dulimbai Gurun -i harangga obume, bosoi ergi gvwa yaya bira birgan be gemu Oros Gurun -i harangga obume, damu Udi bira ci julesi, ere toktobuha Hinggan -i Alin ci amasi, juwe siden de bisire ba na, bira, birgan be taka siden de obufi, meni meni gurun de bederehe manggi, ba na be getukeleme baicafi, eici elcin takvrame gisurere, eici bithe unggime toktobure babe amala jai toktobume;

Emu hacin, sahaliyan ula de dosinjiha Ergune bira be jecen obufi, julergi dalin be Dulimbai Gurun -i harangga, amargi dalin be Oros Gurun -i harangga obume, julergi dalin -i Meirelke birai angga de bisire Oros -i boo be guribufi amargi dalin de arabume;

Emu hacin, ne Yaksa -i bade Oros Gurun -i araha hoton be yooni necihiyeme efulefi, Yaksa -i bade tehe Oros -i niyalma, eiten jaka be gemu Cagan Han -i bade

amasi gocibume;

Emu hacin, ere toktobuha jecen be juwe gurun -i buthaxara urse be ainaha seme dababurakv obufi, emu juwe buya urse cisui jecen be dabame buthaxame hvlhame yaburengge bici, jafafi men meni ba na -i harangga kadalara hafasa de benekini, ba na -i hafasa tere yabuha niyalma araha weilen ujen weihuken be ilgame weile arame isebukini, ereci fulu juwan tofohon -i hokilafi, coohai agvra jafafi, buthaxame yabure, niyalma wame durime cuwangname yaburengge bici, urunakv donjibume wasimbufi, uthai fafun -i gamakini, emu udu niyalma endebume yabuha seme, juwe gurun kemuni hvwaliyasun -i banjime, afara dailara be deriburakv oki.

Emu hacin, neneme yabuha yaya hacin -i fe baita be gisurerakvci tulgiyen, ne Dulimbai Gurun de bisire Oros -i niyalma, Oros Gurun de bisire Dulimbai Gurun -i niyalma be ishunde gaire be nakafi uthai bibume;

Emu hacin, juwe gurun enteheme goidame hvwaliyame acaha be dahame, ereci amasi yaya amasi julesi yabure niyalma jugvn yabure temgetu bithe bisirengge oci, terei udara uncara be iliburakv obume;

Emu hacin, doro acame gashvha inenggici amasi ukanju ukaci, ainaha seme

原文第三页

singgeburakv, jafafi amasi bume;

Emu hacin, juwe gurun -i ambasa acafi, juwe jecen -i afara dailara be nakabufi, doro acafi hvwaliyasun sain -i enteheme goro goidame, umesi akdun -i toktobuha babe dahame yabume jurcerakv oki, ere songkoi emte bithe arafi, doron gidafi, ishunde bume, geli ere songkoi Dulimbai Gurun -i bithe, Oros Gurun -i bithe, Ladino Gurun bithe arafi, wehe de folofi, juwe gurun -i acan -i bade ilibufi, goro goidara temgetu obuki.